علامات الشبع عند الاطفال - كيف تتعرفين على علامات الشبع لدى طفلك وازاي تتأكدي انه بيأكل كويس يولد الطفل قادر على انة يعبر انه شبع

النتائج 1 إلى 3 من 3
علامات الشبع عند الاطفال
  1. #1
    عضو مميز الصورة الرمزية احبك ربي
    تاريخ التسجيل
    Mar 2013
    رقم العضوية
    5370
    المشاركات
    558
    إعجاب متلقى
    142

    علامات الشبع عند الاطفال






    علامات الشبع الاطفال bnatsoft.com13650840

    - كيف تتعرفين على علامات الشبع لدى طفلك وازاي تتأكدي انه بيأكل كويس

    يولد الطفل قادر على انة يعبر انه شبع او جعان
    وعند بلغوه أربعة أسابيع تقريبا تطور تلك القدرة بشكل جيد إلى حد ما
    وسوف يطلق الطفل منبهات أنه لم يعد جوعان
    ومع ذلك، الآباء والامهات لا تعترف دائما بهذه العظة أو تجاهلها لأسباب مختلفة
    منها الاعتقاد انة لو اكل كتير هينام اكتر ويصحى اقل بالليل
    واثبتت الدراسات ان الاهل الذين يطعمون اولادهم فوق طاقتهم ومابقدروش يفهمو علمات الشبع اللى بيظهروها اطفالهم و يغصبون اطفالهم ان ينهوا اطباقهم او البرونة
    فان تكرار ذلك سوف يفقد الطفل قدرة على احساسة بالشبع وهايكل اكثر
    وسوف يؤدى ذللك الى السمنة لدى الأطفال والذي بدوره غالبا ما يؤدي إلى السمنة لديهم فى الكبر

    كيف أعرف إذا شبع طفلي؟

    تتفاوت شهية طفلك للطعام بين وجبة وأخرى، لذا عليك مراقبة العلامات التي تدلّ على أن طفلك قد اكتفى. إن الطفل الذي يرفض فتح فمه للملعقة التالية، أو يبتعد عن الطعام، أو يبدأ باللعب في طعامه يكون غالباً شبع.
    - الطفل الطبيعي لديه القدرة على الشعور بالجوع أو الشبع . فإذا كنت تصر على أن يأكل طفلك رغما عنه ،فأنت بذلك تتحايلي على تلك القدرة لديهم.
    - اتركي لطفلك القرار إذا ما كان يريد أن يأكل أو لا.. و لا تتدخل في هذا القرار.
    - يمكن أن تختلف شهيته من يوم إلي يوم. ويمكن للمسة من التعب أو التسنين أن تقلل من شهية طفلك!فلا تقلقي، سوف يأكل طفلك كل ما يحتاجه وصحته ليست في خطر ما دام معدل نموه لا يزال يتقدم بطريقة منتظمة فشهية طفلك ومقدار طعامه يتفاوت من يوم لآخر .

    هنا بضعة أشياء قد يفعلها طفلك لتعرفي هل لسة جعان ولا شبع خلاص

    1- دلائل على أن الطفل قد يرغب في الاستمرار في تناول الطعام
    - يميل للملعقة
    - يفتح فمه للمعلقة
    - محاولة الاستيلاء على الغذاء ومحاولة وضعه في الفم

    2- مؤشرات على شبع طفلك:
    - إغلاق الفم كلما اقتربت الملعقة
    - بصق الطعام الذي يأكله
    - تحول راسة بعيدا عن الملعقة كلما اقتربت منة
    - تحويش الطعام في فمه ثم بصقة
    - محاولة ضرب المعلقة او الطبق اذا اقتربت منة

    تجارب شخصية:-

    - ( تأكدي دائما ان طفلك لا يرفض الطعام بسبب مرضة )
    - نظمى مواعيد طعام طفلك واحرصى دائما على عدم إرضاعه قبلها بساعتين على الاقل ودة عشان يكون جعان ويقدر ينهى طبقة .
    - اذا رفض طفلك الاكل وانتى متأكدة انة جعان فاممكن يكون مالهوش نفس يأكل هذا الصنف فجربى صنف اخر .
    - اذا رفض طفلك الاكل بعد معلقة او اثنين من الطعام ولم يكمل طعامة مع تاكدك انة جعان انتظرى قليلا واعرضى عالية الطعام مرة اخرى او غيرى الغرفة او ممكن تاكلية وانتى بتغنيلة او بيتفرج على كرتون او اغانى اطفال او يكون بيلعب بألعابه.
    - حاولى تاكلى طفلك والاسرة كلها متجمعة على السفرة في وقت الاكل وهتلاحظى ساعتها ان شهية طفلك انفتحت للاكل .
    - اطلبى من الاب ان يساعدك فى اطعام طفلك وهتلاحظي ان طفلك احب ذلك.


    ===============================

    2-
    ماهى الكمية اللى المفروض اقدمها لطفلى من الطعام !!!!!

    - اولا لازم نعرف ان عند ادخال الأطعمة الصلبة لطفلك ان مش معناة اننا هنستغى عن الرضاعة الطبيعية او الصناعى فاحرصى ديما على أن طفلك يتلقى كميات مناسبة من حليب الثدي او الصناعى .

    - عند
    اطعام طفلك راقبى الاشارات التى تظهر عالية وانتى بتاكليه ودة هايعرفك الكمية المناسبة اللى محتاجها طفلك من الطعام
    فلا يوجد جدول او قاعدة معينة تشير لكمية الطعام اللى المفروض تقدميها لطفلك وذلك لان كل طفل بيختلف عن الاخر في احتياجاتة من الطعام او من الرضاعة

    مثال: ممكن يكون ابن صاحبتك في عمر طفلك وبيتناول مثلا 200 مللى أو جرام في الوجبة الوحدة وابنك بياكل 150 مللى أو جرام فكل طفل بختلف عن الاخر في الكمية اللى محتاجها سواء من الاكل او الرضاعة –فطفلك هو اللى هايحدد الكمية اللى هايكلها


    كم كمية الطعام المقدمة لطفلك بناء على على مجموعة متنوعة من أشياء مختلفة :-


    - لا تنسى ان طفلك هو انسان مثلنا تمام بس صغيرا ولديه شهيته الخاصة اللى بيها هايحدد بنفسة الكمية المناسبة له من الطعام

    - الطفل اللي بداء الاكل من بعد ما "تم" 4 شهور غالبا ما ياكل اكتر من الطفل اللى بدء أكل بعد ما "تم" 6 اشهر .

    - الطفل اللى اتعود ياكل الاكل مهروس تماما وخفيف بياكل اقل من الطفل اللى اتعود ياكل الاكل سمكه اتقل ومش مهروس تماما .

    - الطفل المريض او اللى بيسنن ممكن يفقد شهيتة للاكل لفترة ثم تعود شهتة مرة اخرى لطبيعتها .

    - مع مراحل نمو طفلك قد تختلف شهيته من وقت لآخر سواء بالاكل اكثر او اقل ثم سوف تعود بعد فترة لطبيعتها .

    ازاى اعرف ان ابنى بيحصل على الكمية المناسبة له من الطعام ؟


    - تاكدى ان طفلك مش هايترك نفسة جعان وهايعبرلك عن ده بنفسة سواء بالبكاء او باى شىء اخر تقدري انتي تميزيه

    - و إن الأغلبية العظمى من الأطفال الأصحاء هايكلو الكمية المناسبة من الطعام التي يحتاجون إليها.

    بعض الامثلة عن الكميات الطعام التى تقدميها لطفلك :- ( وطبعا زى ماقولنا دي مش قواعد هانمشى عاليها وانما شهية طفلك هى اللى هاتحدد الكمية المناسبة له)

    - من 4 الى 6 اشهر
    الطفل ممكن ياكل من معلقة الى 3 معالق وبتكون وجبة واحدة في اليوم او اثنين بالكتير
    (الرضاعة هى اهم لطفلك في الفترة دية )

    - من 6 الى 8 اشهر
    الطفل ممكن ياكل 16 معلقة (240 مللى ) خلال اليوم مقسمة على وجبتين او ثلاثة .
    ( تمثل الرضاعة اهمية كبيرة لطفلك في هذا العمر )

    - من 8 شهور لأكبر
    في هذه المرحلة ياكل الطفل ثلاث وجبات في اليوم بما في ذلك الحبوب، والخضروات والفواكه واللحوم مصدر البروتين مثل البيض (الصفار بس طوال السنة الاولى).
    ونرجع نقول تانى ان شهية طفلك ممكن تغير من يوم لاخر وكمان ممكن تختلف شهية طفلك نتيجة الظروف المحيطة بيه
    وطبعا لازم ناخد فى الاعتبار ونكون عارفين كويس علامات الشبع لدى طفلك وازاي تتأكدي انه بيأكل كويس
    ودة اللى قولناة فوق

    - الاصحاء من الاطفال يبللون الحفاض بانتظام ويتبرزون مرة او اثنين في اليوم ودية علامة هاتبين انك ماشية صح (الأمر دة نسبي وبننصح إنك تتابعيه مع الطبيب عشان مايختلطش عليكى الامر بان طفلك عندة امساك او اسهال وان في اطفال طبعتها انها تتبرز كل يومين مثلاً أو يوم ويوم)
    ونوعى في الغذاء اللى بتقدميه لطفلك.

    - ومتابعة نمو طفلك وقياس وزنة هايعرفك بان طفلك بتغذى كويس. (الموضوع دة مهم وزي ما ذكرت في منتدى الامهات قبل كدة دايماً تحتفظوا بورقة مميزة تدونوا فيها الوزن وجنبه التاريخ)

    - اعرفى دايما ان يجب أن تقدمى لطفلك مجموعة متنوعة من الأطعمة كل يوم يمكن أن تشمل ما يلي:

    حليب الثدي او الصناعى
    اللحوم
    حبوب
    خضروات
    فاكهة
    بيض (الصفار من اول الشهر الثامن ) والأسماك (مش قبل الشهر العاشر ويفضل تقديم جميع المأكولات البحرية بعد العام أول)

    - اذا كنت غير متأكدة من أي وقت مضى حول الأطعمة وكمية الأطعمة الصلبة التي تقوم تغذية طفلك، دائما استشارة طبيب الأطفال.و يجب أن يكون طبيب الاطفال الخاص بك قادر على مساعدتك في التحقق من صحة إجراءات التغذية الخاصة بطفلك ويساعدك أيضا على تهدئة المخاوف الخاصة بك.



  2. #2

  3. #3
    عضو مميز الصورة الرمزية احبك ربي
    تاريخ التسجيل
    Mar 2013
    رقم العضوية
    5370
    المشاركات
    558
    إعجاب متلقى
    142

    رد: علامات الشبع عند الاطفال

    ميرسي لمرورك نورتني


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
Google